Gikalipay ni Commission on Elections kon Comelec 10 Regional Director Atty. Renato Magbutay nga walay dagkong panghitabo atol sa gihimo nga plebisito sa Bangsamoro Organic Law kon BOL sa Lanao del Norte kagahapong adlawa.
Matud ni Atty. Magbutay nga nakaboto ang katawhan sa Lanao del Norte ug nakapadayag sa ilang tingog.
Dugang pa ni Magbutay nga iya usab nga gipasalamatan ang kapolisan ug Armed Forces of the Philippines kon A-F-P nga mitabang ug mi-cooperate sa Comelec aron nga mahimong malinawon, limpiyo ug credible ang resulta sa plebisito.
Nasayran nga 22 ka lungsod sa Lanao del norte ang gipaubos kagahapon sa piliay nga adunay 357-mil ka botante.
Facebook Comments
