Paghubad sang spaghetti wires, pagkuha sang redundant poles sa Bacolod City sugdan na buwas

19
Pagasugdan na buwas nga adlaw, Sabado, ang paghubad sang mga spaghetti wires ukon nagagumon kag nagawayway nga mga kable sang kuryente kag telecommunication companies, sa ciudad sang Bacolod.

Ginpahayag ni Mayor Albee Benitez nga una nga maga-operate ang Task Force Spaghetti Wires sa Dalan San Juan kun sa diin 20 katawo gikan sa electric cooperative, telcos kag local cable channel ang magabuligay sa paghipid sang mga kable kag agud man masiguro nga indi maapektuhan ang serbisyo sang mga ini.

Magluwas sa spaghetti wires, suno kay Mayor Albee, igadungan na lang ang pagkuha sang mga redundant poles lakip na ang mga daw matumba na nga mga poste.

Ang Task Force Spaghetti Wires maga-operate tagsa ka Sabado, Domingo, Martes, Myerkules kag Huwebes samtang wala sang operasyon sa Lunes kag Byernes agud malikawan ang paggutok sang trapiko.[iFM Bacolod File Photo]

Facebook Comments