Resulta matud pa sa mas gipakusog nga Community Support Program sa Armadong Kusog sa Pilipinas ang sunod-sunod nga pagka-rekober sa mga supplies sa New Peoples Army kon NPA. Sa interview sa RMN ngadto kang Cpt. Norman Tagros, ang civil military operations officer sa 403rd Infantry Brigade gibutyag niini nga tungod sa sumbong sa mga katawhan, nahimo nila ang pagka-diskubre sa umabot sa 26 ka mga containers nga gisudlan sa bugas nga gibana-banang muabot kini sa 9 ka sako. Gawas ninii aduna usa’y mga asukal, monggos ug uban pang items nga sulod niini. Nakalutan kini sa tropa sa 88th Infantry Battalion kon 88th IB sa Sitio Pantaron, Brgy. Banlag, Valencia City, Bukidnon. Mahinumduman nga nadiskubre usab sa mao nga tropa ang mga pagkaon ug medicial supply sa CPP-NPA nga gisulod ug gilubong nga 67 ka containers ug gibana-banang 40 ka sakong bugas ug nagkadaiyang pagkaon sa Sitio Bulacao, Brgy. Concepcion, Valencia City, Bukidnon. Sa karon mas gipahugtan pa nila ang mao nga programa ilabina sa mga lungsod sa San Fernando, Quezon ug dakbayan sa Valencia.
