Daku ang mabulig para sa pag-ayo sang peace and order situation sang rehiyon ang pagkadakop sang most wanted person sa Western visayas nga si Antonio Aquino sang Sta. Barbara, iloilo.
Ini ang ginpahayag ni IPPO director Sr. Supt. Marlon Tayaba matapos iya ginpresentar sa mga katapo sang media ang nasambit nga wanted person sang nakaligad nga sabado.
Madumduman nga naaresto si Aquino sa Marikina city sang nakaligad nga biyernes sa gahum sang warrant of arrest nga ginpaguwa sang korte sang 2002 pa kun sa diin nangin madanlog ini sa mga pulis.
Si Antonio Aquino ang suspek sa tatlo ka kaso sang pagpatay sang 2002 kag may patong sa ulo nga 300 mil pesos para sa iya ika-dakup.
Ginhatagan pagtamod ni Tayaba nga ang pagka-aresto kay Aquino ang may daku nga impact sa sitwasyon sang kalinong kag katawhay sa rehiyon kag iya pa ginpasiguro nga madamo pa nga mga operation batuk sa mga wanted persons ang ila pagahimuon sa bug-os nga rehiyon.
