Gikumpirma ni Mam Angie Barcelona- ang Director sa National Meat Inspection Service kon NMIS- Regional Tactical Operations Center-Northern Mindanao nga ubay-ubay sa mga karne ang ilang nakumpiska kagahapong adlawa.
Matud ni Barcelona nga aduna silay nakompiska sa alas tres sa kadlawon nga mga manok ug pagkahapon aduna na kini sagol nga mga imported nga karneng baboy.
Ubos sa balaod, ang mga frozen meat dili angayan nga ibaligya, tungod kay walay nakabutang nga freezer sa merkado.
Ang gitugot lamang nga ibaligya nga karne, katong mga karne nga mao pay pag-ihaw o wala na miagi sa freezer, apan ibaligya lamang kini sulod sa walo ka oras aron masiguro ang kalidad sa karne.
Facebook Comments
