Pagkalakip sa drug list sa usa ka kandidato, dili maka-apekto sa kandidatura niini matud sa COMELEC

Dili matud pa maka-apekto sa usa ka kandidato sa Barangay ug Sangguniang Kabataan o S-K elections ang pagkalakip niini sa drug list.
Kini ang giklaro sa Commission on Elections o COMELEC kung asa sa usa ka Press Briefing, gibutyag ni COMELEC Spokesman James Jimenez nga ang hukom lamang sa korte sa kasong giatubang niini ang makapawalay-bili sa kandidatura sa usa ka indibidwal sa Barangay ug SK Elections.
Dili na usab manginlabot ang COMELEC sa gihimong imbestigasyon sa mga kandidatong nasa Narco-list.
Pero matud ni Jimenez nga mahatagan sa ideya ang mga botante sa background sa usa ka kandidato kung ugaling nalakip kini sa narco-list.