Sa interview sa RMN Malaybalay ngadto kang Taguig Representative, Former Speaker of the House and Senator Alan Peter Cayetano, gibutyag niini nga dool sa mga dili maayong mga panghitabo ang mga tawo nga nalambigit sa online sabong.
Dugang pa niya nga adunay mga kaso sa harassment gumikan sa pagpakautang, pulis nga nanghold-up, ug mas grabe ang pagkawagtang sa 23 ka mga gituohang sabungero.
Gibutyag usab ni Cayetano nga supak siya sa bisan unsang klase sa online nga sugal tungod kay dili kuno makontrol sa tawo ang pagpadagan sa kwarta kung itandi sa physical nga sugal.
Sa online pwede ra kuno nga makasugal bisan og anaa ka eskwelahan, simbahan, trabahuan o uban pa.
Maong pagklaro niya nga kinahanglan i-konsiderar nga lahi ang nature sa internet gaming kon itandi sa physical, ug kinahanglan nga estudyuhan pag maayo sa mga magbabalaod ang maong platform tungod kay maskin bata pwede makabuhat og account ug ma-involved sa maong sugal.
