Gipasabot sa Department of Social Welfare and Development kon DSWD Region 10 ang rason nganong nadugay ang pag-release sa cash grants alang sa mga miyembro sa Pantawid Pamilyang Pilipino Program kon 4p’s.
Sa interview sa RMN Malaybalay ngadto kang Oliver Inodeo, ang focal person sa 4p’s region 10 gibutyag ninii nga ang pagkalangan sa pay-out tungod sa pagka-expire na sa kontrata sa tali service provider ug Land Bank of the Philippines ug mga conduit niini.
Sa karon buot nga e-review ang memorandum of agreement sa Land Bank ug DSWD central officer aron mabayran na ang mga miyembro sa 4p’s.
Gidugang ni Inodeo nga mao na kini ang katapusang pagbayad nga ilawom sa over the counter ngadto sa mga benepisiyaryo tungod kay sa bulan sa Setyembre sugdan na ang pag-apod-apod ang cash card ngadto sa mga miyembro sa 4ps. Mao usab daw kini ang usa sa mga rason sa pagkadelatar sa pay-out.
Sa karon, matud ni Inodeo nga wala pay klaro kung kanus-a mahatag ang cash grant alang sa mga miyembro sa 4ps.
