General Santos City–Padayon ang ginahimong imbistigasyon karon sa WCPD kon Women’s And Children Protection Desk sa Police Station 4 aron sayron kung kinsa ang may kakulangan sa nahitabong dungan nga pag kalumos sa duha ka mga minor de edad sa LC5 swimming resort ning syudad nga gika-matay sa usa sa biktima samtang usa kanila ang pabiling anaa sa kritikal nga kondisyon.
Sumala pa ni Po3 Nenet Cubin sa WCPD sa Police Station 4 nga sa karon dili pa nila maingon kung adunay kakulangon ang management sa resort o dili ba kaha ang mga bantay sa mga bata ang nagpasagad hinungdan nga nahitabo ang maong trahidya.
Nag pahimangno nalang si Po3 Cubin ngadto sa mga ginikanan nga kung mag dala ug mga anak sa mga resort siguruon gayud nga mamahimong prayoridad ang kaluwasan sa ilang anak.
Dapat sumala pa dili gyud pasagdan nga mag inusara nga maligo tungod basin ug makaabot sa lawom nga parti sa swimming pool.
Likayan usab nga malingaw ug tagay o dili ba kaha sa video-k inig maligo sa dagat man o sa swimming pool tungod mao kini usahay ang hinungdan nga mapasagdan nila ang ilang mga anak.
