Gikasubo ni Lt. Col. Ronald Illana, Commanding Officer sa 8th Infantry Battalion ang pagkamatay sa usa ka sakop sa New Peoples Army atol sa panag-engkuwentro, sa Sitio Victory, Barangay San Luis, Malitbog, Bukidnon mga alas 3:20 sa hapon niadtong milabayng Biyernis.
Matud ni Illana nga nang-recruit ang mga rebilde sa mga sibilyan ug sa oras nga ilang ma-encounter ang mga sundalo, biyaan lamang sa mga N-P-A ang ilang samaran o patay nga mga kauban.
Gibutyag ni Illana nga naglunsad sila sa military operation sa Sitio San Luis basi sa reports sa mga sibilyan.
Matud ni Col. Illana nga basi sa report sa mga sibilyan nga ang mga miyembro sa Guerilla Front 4-B sa North Central Mindanao Regional Committee sa New Peoples Army, nangayog permit to campaign ug permit to win sa SK ug barangay elections sa Barangay San Luis.
Matud ni Illana nga sa dihang ilang gisusi ang reports sa mga civilian ilang nasugat ang wala ma-ihap nga gidaghanon sa mga rebilde ug nahitabo ang panag-engkuwnetro.
By: RadyoMaN Nitz Arancon
web photo
