Mas pakusgang programa para sa peace and order,gilauman ni Mayor Rivera sa bag-ong labaw sa PRO12

14

*General Santos City— Gilauman ni Gensan City Mayor Ronnel Rivera nga mas mapakusgan pa sa kapulisan ang programa alang sa peace and order ilalom sa pagdumala sa bag-ong labaw sa Police Regional Office 12 pinaagi ni PBGEN. Alfred Corpuz. *

*Saysay niya nga labing mas maayo kung madungangan ang ihap sa kapulisan sa dakbayan nga magbantay sa siguridad.*


*Lakip usab sa buot niining mahatagan ug suporta sa PNP mao ang pagbatok sa mga investment scheme aron nga ma-kontrol ang mga biktima gikan sa mga tawo o ga kumapnya nga nagahatag ug saad gumikan limitado matud pa ang kapasidad sa lokal nga panggamhanan bahin niini.*

*Dugang pamahayag ni Mayor Rivera nga subay sa iyahang obserbasyon, maayo ang perforamance sa kapulisan dili lang sa Gensan kundili sa tibuok rehiyon 12.*

*Anaa usab ang suporta sa kapulisan sa tanang mga aktibidad rason nga napabilin ang kalinaw ug kahapsay sa tibuok rehiyon gawas nalang sa mga isolated nga kaso sama sa nahitabong pagpamomba sa Isulan.*

*Apan siya nanghinaut nga walay mahitabong spill over sa dakbayan sa unsa mang kagubot nga nahitabo gawas sa gensan. Pagpaklaro niya nga ang pagkasikop sa mga taga-suporta sa ISIS sa Gensan ang pamatuod sa maayong intelligence network sa kapulisan ug militar.*

Facebook Comments

From Advertisers