Pagkasikop sa duha ka mga gituohang sakop sa Dawlah Islamiyah, gidawat nga maayong kalamboan sa militar

Gidawat sa militar sa Marawi nga usa ka maayong kalamboan sa kampanya sa gobyerno batok sa violent extremism ang pagkasikop kagahapon didto sa Tandang Sora, Quezon City sa duha ka mga lalaking miyembro, matud pa, sa Dawlah Islamiya.

Matud pa ni BGen. Romeo Brawner, commander sa 103rd Infantry Brigade nga naka-base sa Marawi City, ang pagkasikop sa duha nagpamatuod nga aduna pay duha ka mga bombers nga naglatagaw sa bisan asa nga bahin sa nasud.

Nagpakita kini, matud pa, nga dili lamang ang Armadong Kusog sa Nasud ang migukod sa mga nahibiling terorista sa nasud, apan lakip na ang ubang mga ahensiya sa gobyerno, sama sa Philippine National Police.


Gi-presenta kagahapon ni PNP Chief Oscar Albayalde ang mga naarestong sila si Arnel Cabintoy ug Feliciano Sulayao kinsa nasikop sulod sa usa ka compound sa Salam Mosque sa Barangay Culiat sa Tandang Sora.

Nakuha, matud pa, gikan kanila ang mga granada aug blasting caps o mga gamit sa pagpamomba.

Facebook Comments