Padayon karong giimbistigahan sa Bureau of Fire Protection kung sa kwarto ba nga gipuy-an sa magtiayong boarders, nagsugod ang sunog kagabii sa Pabayo-San Agustin St., Brgy. 1 ning dakbayan nga gipanag-iyahan ni Mr. Amparo Ronquillo.
Kini ang gibutyag ni SFO1 Dennis Dales, ang fire investigator sa B-F-P ning syudad kinsa lakip sa miresponde sa nahitabong sunog human nila madawat ang tawag sa assistance, mga alas-7:10 kagabii.
Nasayran nga miabot pa sa ikaduhang alarma ang maong sunog pag-abot sa alas-7:17 ug nakontrolar ang kalayo mga alas-7:32 ug gideklarar nila kining fireout mga alas-7:45 kagabii.
Gibana-bana usab ni SFO1 Dales nga mikabat sa 100 tawsan pesos ang damyos sa maong sunog, nga giabagan usab sa pagpalong sa mga fire volunteer gikan sa Cepalco, Chinese Fire Brigade ug ubang mga BFP sub-station ning dakbayan.
Samtang, sutaon pa sa B-F-P kung unsa ka tinuod ang alegasyon sa tag-iya nga nagsugod ang kalayo, sa kwarto sa mga batan-ong magtiayon sa taas nga bahin sa maong balay.
By; Radyoman Aiza Enloran and Ellah Baculio
