Kontrolado pa gihapon ang pagkaylap sa COVID19 sa Misamis Oriental.
Kini ang gibutyag ni Gov. Bambi Emano atol sa virtual flag raising gahapong adlawa.
Matud sa gobernador nga padayong nagtinabanga ang mga Mayor ug Municipal Health Officers sa probinsya.
Hagit lang nila karon mao ang mga Locally Stranded Individual ug Returning Overseas Filipinos nga padayong nagsingabot sa probinsya.
Mapasalamaton usab ang opisyal nga wala pay empleyado sa kapitolyo nga nagpositibo sa COVID19.
Dugang pa ni Gov. Emano nga magpasalamat nalang ang mga empleyado nga hangtud karon duna pa silay trabaho dili sama sa uban nga nawad-an og panginabuhian human magsira ang ilang kompanya o stablishemento nga ilang gitrabahoan.
Facebook Comments
