Gibutyag ni City Environment and Natural Resources kon CLENRO Head Engineer Armen Cuenca, nga dakodako ang backlog sa pagkolekta sa basura karong panahona.
Matud ni Engr. Cuenca, kini particular sa mga sudlunon nga mga area ning syudad, tungod kay dili pa maagian ang sanitary landfill, tungod sa kalapok nga hatud sa mga pag-ulan.
Tungod niini, nagpahimangno ang Clenro sa mga residente nga isulod lang sa sako ang mga basura ug dili lang iyabo sa daplin o sa bisan asa.
Samtang bisan og sementado na ang dalan gikan sa syudad padulong na sa labayanan sa basura, apan ang sulod sa basura na usab ang problema.
Matud ni Engineer Armen Cuenca sa Clenro, kini tungod kay ang style sa paglabay sa basura sa sanitary landfill, mao ang pagtabun sa yuta sa mga ilabay nga waste materials.
Kini ang hinungdan nga ang mga inner o sudlonon nga mga barangay adunay pagkadelatar sa pagkuha sa basura, tungod kay ang mga gagmayng nga mga dumptruck, dili pa makasaka sa area.
