Davao City – Gipasidad-an karon sa City Disaster Risk Reduction Management Office (CDRRMO) ang publiko nga magpabiling alerto subay sa advisory sa DOST PAG-ASA nga nga adunay minor sea level disturbance ang rehiyon subay sa nahitabong Magnitude 7.1 nga linog sa Governor Generoso, Davao Oriental.
Sumala ni Davao City Disaster Risk Reduction and Management Office (CDRRMO) operation officer Rodrigo Bustillo nga gidili usa ang katawhan sa pagkaligo sa mga kadagatan ug magpalayo usa sa mga baybayon.
Segun ni Bustillo nga ang tanang mga responders nagpahigayon og close monitoring sa mga coastlines sa posibleng pagtaas sa tubig dagat.
Matud ni Bustillo nga sa pagkakaron wala pay report kung adunay damyos sa dakbayan human sa maong linog.
RadyoMaN Aimee Guinita
