Gigarantiya sa Provincial Health Office ning probinsya sa Bukidnon nga luwas ug walay angayang kahadlukan ang pagpabakuna.
Sa interview sa RMN Malaybalay ngadto kang Jennifer Abas Malazarte ang provincial coordinator sa School Based Immunization ug Harmonized School Community Mass Deworming gibutyag niini nga ang ilang gipang-immuzed sa mga bata sa tulunghaan mga booster doses na kini.
Gipasabot niya nga gikan sa pagka edad pa lang ug 9 hangtod 12 ka bulan nahatagan na ang maong mga bata ug gikinahanglan kini ug e-booster dose sa mao nga bakuna.
Gidugang ni Malazarte nga kung gipabakunahan lang sa mga inahan ang ilang mga anak batok tidas wala gayod kini kabalak-an ug kahadlukan.
Mas angayan matud pang mahadlok kung wala nabakunahan ang ilang mga anak.
