May rekomendasyon na ang Municipal Disaster Risk Reduction and Management Council sang Surallah nga ipaidalom sa state of calamity ang banwa tungod sa natuga nga danyos sang El Niño sa mga pananom kag kakulangan sang mainom nga tubig.
Suno kay MDRRM Action Officer Leonardo Ballon, ini matapos nga sa ginpatigayon nila nga pagsinapol sang Marso 19, 2019 anum na ka mga barangay sa banwa ang nagdeklarar sang state of calamity tungod sa natuga nga danyos.
Ang mga barangay suno sa iya nga nagdeklarar sang state of calamity amo ang Brgy. Little Baguio, Canahay, Upper Sepaka, Buenavista, Moloy kag Tubiala.
Nagalab-ot naman sa P107 million ang danyos sa mais sa 14 ka mga barangay kag sa palay yara sa P6.4 million sa 11 ka mga barangay nga apektado base sa assessment sang Municipal Agriculture Office.
Samtang, ang mga barangay nga apektado sang kakulangan sang supply sang mainom nga tubig ang Barangay sang Veterans, Talahik, Lamian, Canahay, Tubiala kag Little Baguio.
May-angot sini suno kay Ballon isa sa nakasugtan nila sa pagsinapol ang pagpatigayon sang food for work sa mga apektado nga mangunguma kag laborer.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
