General Santos City–Gihingusgan ni Police Major Taniezo Golwingon, ang bag-ong hepe sa Kiamba PNP nga iyang iprioridad ang pagtutok sa kaso sa pagpamusil nga natigayon ilawom sa area of responsibility sa Kiamba PNP.
Sumala ni Golwingon nga buot niyang mapakgang ang kaso sa pagpamusil ingon man mahatagan ug hustisya ang mga biktima niini.
Nasayran nga si Golwengon maoy mihulip sa kanhing hepe sa Kiamba PNP kansa girelib human sa nahitabong pagpatay sa usa ka police nga si Police Staff Sergeant Manny Rebueno kansa gipusil patay sa usa ka barangay tanod.
Dugang pagbutyag ni Police Major Golwingon nga pinaagi sa tabang sa kumunidad siya kampante nga mailhan ug madakpan ang mga suspek sa pagpamusil sa ilang lugar.
Dungan niini nangayog tabang si Golwingon sa katawhan nga isumbong nagadto sa ilang buhatan kung aduna silay makit-an sa ilang lugar nga suspek sa pagpatay o mga wanted nga criminal aron gilayon nilang marespondihan.
