Malaybalay City, Bukidnon – Gikumpirma sa Commission on Elections kon COMELEC region 10 ang hingpit nang pagpalabay sa Commission on Elections (Comelec) ang himoong Barangay ug Sangguniang Kabataan (SK) elections sa Mindanao nga nakatakda untang himoon sa Oktubre.
Sa interview sa RMN Malaybalay ngadto kang Comelec 10 Regional Director Atty. Renato Magbutay gibutyag niini nga nadesisyunan sa buhatan ug nakakita sa sufficient basis ang Comelec aron ipalabay ang piniliay subay sa gahom nga gihatagan sa sa komisyon sa Omnibus Election Code.
Gibutyag Atty. Magbutay nga gihimo nga basehan sa pagsibog sa brgy ug sk elections ang una ang deklarasyon sa martial law sa Mindanao diin molungtad pa sa Disyembre ning tuiga, ikaduha ang Supreme Court ruling nga nagdeklara nga balido ang Martial Law.
Matud sa regional director nga ang Comelec mismo adunay gahum nga mupa-uktaba sa piniliay kung adunay igong basehan.
Sa ilawom sa Section 5 sa Omnibus Election Code, adunay gahom ang Comelec nga imando ang pagpalabay sa pagpahigayon sa eleksyon sa unsa mang political subdivision kung sa tan-aw nila imposibleng magpahigayon sa gawasnon, matinund-anon ug maayon nga piniliay gumikan sa nahitabo nga kagubot, terorismo, pagkawala o pagkaguba sa mga election records o paraphernalia ug uban pang hinungdan.
Gikonsidera usab Commission En Banc ang resulta sa ilang public hearing sa Davao City kaniadtong August 15.
