Bukidnon – Padayon karong tuiga ang gipatuman nga mga proyekto sa Department of Public Works and Highways kon DPWH Region 10 alang sa probinsya sa Bukidnon.
Nasayran nga ang Bukidnon gikosiderang usa sa pinaka-busy nga highway sa tibook Pilipinas.
Nahimo kining agianan gikan sa Cagayan de Oro City paingon sa Davao City ug vice versa.
Sa interview sa RMN Malaybalay ngadto kang Vinah Maghinay, ang information officer sa DPWH Region 10 gibutyag niini nga padayon ang road widening, pag-ayo sa mga dalan sa national highway ug pag construct sa mga tulay.
Matud niini nga adunay usay mga bypass ug diversion road nga mokonektar sa national road.
Dili usab mabutyag ni Maghinay kung kanus-a mahuman ang mao nga mga proyekto tungod kay magdepende kini sa pondong gigahin.
Gipahayag pa niini nga adunay usay mga problemang ilang gikonsidera susama sa right of way nga maoy mahimong babag ug makapadugay sa ilang gipatuman nga proyekto.
