Miapela si Deputy Speaker Rufus Rodriguez sa gobyerno, nga pasagdan na lamang ang mga pribadong sektor nga mopalit sa ilang kaugalingong bakuna, batok sa COVID-19 alang sa ilang mga empleyado ug pamilya.
Basi sa house resolution 1453 nga gipasar sa Kongresista, giduso niini ang right to health sa matag Pilipino nga gigarantiyahan sa Konstitusyon.
Gisuportahan usab niini ang usa pa ka gipasar nga house bill 8301, nga mao ang resolusyon kung asa gilibre sa pagbayad sa import duties, value added tax, excise tax ug uban pang charges ang mga bakuna nga paliton sa mga private businesses.
Dugang pa sa Kongresista, nga ang 72 bilyon pesos nga pondo nga gigahin sa gobyerno alang sa pagpalit og bakuna ning tuiga, ang dili igo alang sa tanang Pilipino busa angayan lamang nga tugotan ang mga pribadong sektor nga makakuha ug makapalit sa ilang kaugalingong bakuna.
