*General Santos City— Gipaklaro ni Police Lt. Col. Rogelio Buena, labaw sa Regional Civil Security Unit 12 nga hugtanong ginabawal sa balaud ang mga imported nga mga pabuto ug higayon nga adunay makit-an ang otoridad gilayon nila kining kumpiskahon.*
*Saysay niya nga gawas ginahimo nga pagmonitor sa kapulisan, anaa man ang bureau of costums nga hugot nga nagabantay sa posibleng pagsulod sa mga illegal ug imported nga mga pabuto.*
*Sumala niya nga siya positibo nga karong tuiga, gamay nalang ang ihap sa mga imported nga pabuto ang makasulod sa rehiyon kung asa higayon matud pa nga adunay makit-ang ginabaligya, mamahimo kining ipa-abot sa otoridad.*
*Dugang pamahayag ni PLTC Buena nga tanang mga pabuto ug fireworks ang kinahanglang ibaligya sa tanang mga aprubadong lugar nga pwedeng baligyaan.*
*Tanan matud pa nga ambulant vendor nga madakpan ang mag-atubang ug silot ingon man kumpiskahon ang ilahang mga baligya nga mga pabuto.*
*Pag-angkon niya nga dili gyud malikayan ng adunay mga mamaligya ug patago pinaagi sa paghatud sa mga balay o dili ba kaha sa mga sakyanan rason nga kinahanglan usab nga mga-bantay ang publiko.*
*Kalabot niini gibutyag ni PLTC Buena nga subay sa gipagawas nga executive order 28 ni Pangulong Duterte milabay’ng mga tuig, kinahanglan nga adunay designated area ang usa ka barangay o munisipyo alang sa firecrackers ug fireworks display.*
*Kini matud pa ang magdepende na sa mga opisyal sa usa ka lugar ug depende sa i-rekomenda sa kapulisan aron sa mas daling pagbantay sa siguridad. Apan aduna matud pay mga kinahanglang ikonsidera sama sa standby nga firetruck ug kinahanglang 300 metros gikan sa gasolinahan.*
