Malaybalay City, Bukidnon – Nanawagan ang Department of Trade and Industry (DTI) sa publiko nga sugdan na ang pagpamalit sa mga gamit, panregalo ug stock nga panghanda alang sa umaabot nga pasko ug pahimuslan ang mas barato pa nga presyo.
Sa interview sa RMN Malaybalay ngadto kang DTI Undersecretary Teodoro Pascua, gibutyag niini nga aduna na silay gipagawas nga mga suggested retail price nga magsilbing giya sa mga mamalitay.
Ang SRP matud pa resonableng basehan sa mga konsumante.
Gipahimumdom usab sa DTI undersecretary nga adunay mga produkto nga walay paglihok samtang adunay pipila nga pataas usab samtang nagkaduol ang pasko tungod kay in demand kini.
Gipahimangnoan usab niini ang katawhan nga likayan ang last hour sa pagpamalit aron makalikay sa sobrang traffic.
Apil sa mga mamahimong paliton karon nga mas barato pa ang kantidad ug dili usab madaut ang mga ang mga pasta, fruit cocktail, keso de bola, de-lata, ug ubang pang palitunon basta siguruhon lamang nga layo pa ang “expiration date” niini.
