General Santos City—Gibanggaan sa usa ka sakyanan ang klinika nga nahimutang sa Polotana, Subd., Barangay Cannery, Polomolok, South Cotabato niadotng nakalabayng adlaw.
Usa ka Hyundai Tucson nga may plate no. ZRD-413 nga gimanihuan ni Jerry Casinto nga lumulupyo sa Phase-3 Polotana Subdibisyon, Polomolok , ang mibangga sa klinika nga gipanag-iyahan ni Jacinto Rufino Jr. 40 anyos, minyo, usa ka Dentist ug lumulupyo sa maong lugar.
Matud pa sa imbestigasyon nga samtang kining driver nga si Jacinto nagmaneho sa iyang sakyanan kalit lang kining mibangnga sa kilid sa klinika nga miresulta sa pagkaguba sa roll up door ug 2 ka full length glass aluminum frames ug checkmeter sa Polomolok Water District nga nahimutang atubangan sa klinika.
Ang insidente nahitabo sa Barangay Bayan St. Brgy. Poblacion. Polomolok. Sa karon nagpadayon ang imbistigasyon sa Polomolok Municipal Police Station kalabutan sa maong insidente. (Serio Gloria General Santos Academy- AB Com Intern)
