General Santos City— Gikondina ni Gensan City Mayor Ronnel Rivera ang nahitabong pagpamomba sa Brgy. Apopong ning dakbayan kung asa walo ang naitalang samdan.
Sumala niya nga wala siya magdahum nga adunay mga maghimo sa ingon sulod sa Gensan gumikan hugot man ang ginapatuman nga checkpoint. Sa karon matud pa iyaha na unang gitugyan ngadto sa kapulisan ug militar ang imbestigasyon sa maong pagbusikad.
Sa karon matud pa, labing gihanatagan ug pagtagad sa lokal nga pangamhanan mao ang mga medikasyon sa mga nahimong biktima.
Dugang pamahayag ni Mayor Rivera nga dili una siya muhatag ug unsa mang espekulasyon sa nahitabong pagpamomba gumikan padayon man ang ginahimong imbestigasyon sa otoridad.
Gani nakatakda siyang magpatawag ug peace and order councile meting ugmang adlawa uban ang kapulisan ug militar ingon man uban pang law enforcement unit ug mga opsiyal sa akbayan kini aron nga hisgutan ang maong insidente ug unsa ang sunod nga lakang nga himuon.
Sa kasamtangan matud pa, nangita pa ug dugang impormasyon aron masayran kung si kinsa ang mga nagpaluyo sa maong pagpamomba gumikan aduna may testigo nga nakakita sa suspek.
Kalabot niini, gibutyag ni Mayor Rivera nga wala siya’y nakit-ang pagkulang sa kabahin sa militar ug kaspulisan gumikan iyaha mang nakit-an ang pagtrabaho sa mga nahisgutan.
Sumala niya nga wala niya nakit-an nga nagrelax ang kapulisan ug militar sa pagbantay sa siguridad ug wala man usab sila magkumpyansa hilabi na nga padayon ang imbestiasgyon sa pagpamomba sa Isulan.
Saysay pa sa Mayor nga kung dili makonsiderang isolated nga kaso ang maong insidente, aduna lang gyud nagaplano nga magharass sulod sa dakbayan sa Gensan.
