General Santos City–Padayon ang ginahimong imbistigasyon karon sa Police Station 2 kabahin sa pagpamusil sa wala mailhing suspect nga nakasakay ug motorsiklo sa mga biktima nga silang Rodel Lumarda, Tricycle Driver nga nanimuyo sa Barangay Tambler ning syudad ug pasahero niini snga si Richie Gabales hamtong nga nanimuyo sa Pearly Shell, Barangay Bula, alas 10:00 ang takna sa buntag kagahapong adlawa sa Prk. 6, Lanton , Brgy Apopong ning syudad.
Sumala pa ni Police Major Ananias Vazquez ang hepe sa Police Station 2 nga sa karon padayon pa nilang ginasuta ang mga posibleng motibo sa maong pagpamusil kung asa migula matud pa sa ilahang imbistigasyon nga gikan sa fishport ang nasangpit nga mga biktima ug padulong unta sa Lanton City Jail aron nga maghatod ug isda apan gisundan matud pa sila sa mga suspect ug pag abot sa maong lugar gipabuthan sa makadaghan nga higayon.
Nakahiagom ang mga biktima ug samad pinusilan sa lawas ug sa ulo nga bahin ang mga biktima, Si Lumarda ang pabiling anaa sa talandugong Kahimtang, samtang si gabales, nakabsan na sa iyang kinabuhi alas 4:00 ang takna sa kaganinang kabuntagon.
Gikabutyag man usab ni Vasquez nga ang usa sa mga biktima nga si Richie Gabales ang kanhi nang nasikop sa kapulisan tungod sa pagpamaligya ug iligal nga droga ug naka gawas lang.
Sa kasamtangan wala pay person of interest ang kapulisan kabahin na sa maong pag pamusil
Samtang basi usab ni Jovelyn Lumarda ang asawa sa biktima nga si Rodel Lumarda nga wala gayud silay nasayran nga kalaban sa iyahang bana, gani usa kini ka maayung tawo ug nagalingkod kini isip chairman sa ilahang prk. Ingon man presidente sa GKK sa ilahang lugar.
Daku ang pagtuo sa maong ginang nga nadamay lang ang nahisgutang biktima sa iyahang pasahero.
Gikundena usab sa Purok chairman federation sa Barangay Tambler ang nahitabo sa ilahang kaubanan.
Sumala pa ni Lolita Quiwag Purok Chairman sa Purok Sarangani sa barangay Tambler nga dili maka tarunganon ang gibuhat sa mga suspect ngadto sa ilahang kauban.
Dugang pa niini nga wala man usab silay nasayran nga kalaban sa nahisgutang biktima tungod usa kini ka maayong tao, nanghinaot nalang sila nga gilayong masikop sa kapulisan ang mga suspect nga mibuhat sa maong krimen. (Dave Silagan)
