General Santos City—Gibutyag ni Police Major Jojit Nicholas ang Chief Of Police sa Malapatan Municipal Police Station nga usa sa motibo nga ilang nakita sa kamatayon sa negosyanteng babaye nga si Janet Orquillas, 33 anyos, nanimuyo sa Lun Padido, Malapatan, Sarangani Province ang duna kini kalambigitan sa investment scheme.
Matud pa ni Major Nicolas nga basi sa pamahayag sa bana sa biktima nga involve gayud ang iyang asawa sa investment scheme asa siya ang naga facilitate sa mga tawo nga nagabutang ug kwarta.
Tungod sa nahibaw-an sa mga tawo nga wala na galihukan ang investment scheme nga ilahang gibutangan ug kwarta posibleng dunay nasuko nga mga miyembro.
Dugang pagbutyag ni Police Major Jojit Nicholas nga dili pa nila matumbok kung mga miyembro ba kadtong mga suspek sa investment scheme nga mipatay sa biktima.
Gitin-aw usab sa opisyal nga dunay giluwatang pamahayag ang bana sa negosyante nga duna siyay person of interest sa krimen apan dili pa niini mabutyag sa rason nga aron dili makasibat ang mga suspek.
Kahibaloan nga una ng gipusil sa ulo ang nasampit nga negosyante sa duha ka suspek sulod sa opisina niini nga nakatabon ang mga nawong pasado alas 12:00 ang takna sa udto sa Prk. Lanay, Brgy. Poblacion Malapatan. (Reynald Timario)
