GIBUTYAG sa 4th Infantry Division, Philippine Army nga diversionary tactics lang sa mga New Peopples Army kon NPA ang gihimong pagpangharass sa advance command post sa Barangay Menungan ug pagpangharass niini sa nag- CSP personnel sa 88th IB, PA sa Brgy. Palacapao, Quezon Bukidnon sa susamang oras kaniadtong Dominggo sa gabie.
Sa interview sa RMN Malaybalay ngadto kang MGen. Ronald Villanueva, ang commander sa 4th ID, PA gibutyag niini nga walay kalabutan sa gi-ingong Red October Plot sa mao nga engkwentro dili pa lamang dugay.
Gipasabot niya nga ang naka-engkwentro sa kasundaluhan mga militia ng bayan nga sinugo nga nisakay ug motor ug nangistraffing tungod ug gipahimuslan ang kawad-on sa kuryente niadtong panahona.
Gitawag kini sa 4th ID nga usa ka destruction lamang sa ilang pagggukod sa usa ka lider sa NPA.
Matud ni Villanueva nga aduna silay gi-hunting nga usa ka leader sa NPA – North Central Mindanao nga nagtago sa Pantaron Range.
Gisiguro usab sa 4th ID Commander nga muabot ra ang panahon nga ila rang masikop ang ilang target.
Mahinumduman nga samdan ang usa ka sundalo ug usa ka miyembro sa Citizen Armed Force Geographical Unit (Cafgu) sa nahitabong engkuwentro batok sa mga rebeldeng New People’s Army sa barangay Palacapao ug Menungan sa lungsod sa Quezon, Bukidnon.
Naila ang mga nasamdan nga sila si Sgt. Erinio G. Mejares ug Cafgu member Diego Diego Diyaw nga kasamtangan gitambalan sa Camp Evangelista Station Hospital.
