General Santos City— Gipaklaro ni Police Col. Aden Lagradante, City Director sa Gensan City Police Office nga wala siya’y kalabutan sa mga nahitabong pagpangidnap sa mga kalalakin-an sa Gensan nga nakit-ang patay sa subang parte sa rehiyon.
Pamahayag niya nga iyaha ng gihatagan ug direktiba ang mga chief of police sa matag police station nga imbestigahan ang maong mga insdente human nga aduna nay duha ka tao ang naunang natala nga gikuha sa van dinhi sa Gensan ug nakit-an nalang nga patay sa Malungon, Sarangani ug Tupi sa South Cotabato.
Paniguro niya nga dili na mahitabo pa ang maong insidente. Pag-angkon niya nga bisan sila sa kapulisan ang ginadudahan na nga nagapaluyo sa maong panghitabo.
Dugang pamahayag ni Pol. Col. Lagradante nga walay angayang kabalak-an ang publiko sa maong mga insidente gumikan nagpabiling kontrolado sa kapulisna ang sitwasyon.
Apan dili matud pa malikayan nga posibleng adunay mga vigilante nga grupo nga nagapaluyo sa maong mga hinimuan hilabina nga ang mga naunang biktima ang adunay criminal record.
Sa karon, iyaha ng ginapa-lawman ang imbestigasyon aron nga masayran kung si kinsa ang mga nagpaluyo sa pagpanguha ug mga tawo sa Gensan ug responsible sa pagpatay kanila.
