Hugot nga gipanghimakak ni Engr. Hilario Balbin ang pasangil ni Mayorial Candidate Jose Gabiel La Viña, kinsa mi-ingon nga iyang gikilkilan ang Contractor sa Access road sa barangay Bulua ning syudad sa Cagayan de Oro.
Si Balbin nga usa sa mga land owners sa Barangay Bulua mi-ingon nga bakak ang pasangil ni La Viña kay wala niya kilkili ang Jay-Car construction nga maoy nagtrabaho sa Access road sa ilang barangay.
Una pa niini, gipasangil ni Laviña nga na-undang ang pagtrabaho sa maong Access Road sa Bulua kay ang contractor sa maong proyekto gikilkilan ni Balbin.
Apan matud ni Balbin nga sayop si La Viña sa iyang pasangil kay nagkasabot sila sa Jay-car construction nga iyang kobrahan sa toll fee nga 10 pesos kada dump truck nga mo-agi sa iyang yuta aron maoy iyang gastohon sa pag-ayo sa iyang private road nga maoy gigamit sa maong contractor pag-back fill sa maong dalan nga gitrabaho sa DPWH.
