General Santos City–Nagpahigayon na ug mas lawom nga imbistigasyon sa Police Station 5 kalabutan sa nahitabong pagpangransack sa usa ka establishementong baligyaanan ug motorsiklo sa may Purok Veterans, Barangay Calumpang Gensan sa nakalabayng gabie.
Sumala pa ni Police Senior Inspector Lemuel Enrijo, Deputy Chief Of Police sa Police Station 5 nga sa karon blangko pa sila sa suspek sa maong krimen.
Nagpadayon pa usab ang ilang pagpangalap ug testigo nga posibling makatudlo sa suspek.
Dugang pahayag ni Enrijo nga mukabat sa kapin P46,000.00 ang kinatibuk-ang kantidad sa mga accessories sa motorsiklo ang nadagit sa wala pa mailhang suspetsado. Nasayran nga giguba sa mga suspek ang pultahan sa likod nga bahin sa maong tindalan.
Sa karon ginasuta pa usab sa kapulisan ang posibilidad nga inside job ang nahitabong pagpangawat.
