Pagpanguna sa Vietnam sa ika-31 nga Southeast Asian Games, babagan sa Philippine Olympic Committee

Gisiguro sa Philippine Olympic Committee nga pugngan nila ang Vietnam sa paghari sa ika-31 nga Southeast Asian Games sa sunod tuig.

Matod ni POC President Abraham “Bambol” Tolentino, nga ilang palisdan og maayo ang Vietnam bisan pa man sa ilang nasud ipahigayon ang mga dula.

Usa ka paagi nga giingon niya nga buhaton nila mao ang pagtukod og usa ka National Squad nga tagaan og hustong atensyon sa gobyerno.

Nanguna ang Pilipinas sa miaging tuig sa Southeast Asian Games, nga adunay 149 ka gold medal samtang ang Vietnam ang naa sa ikaduhang pwesto nga adunay 98 ka gold medal.