General Santos City–pagpanimalos sa laing grupo sa mga “Sukarap” mao kini ang usa sa mga motibo nga gina tan-aw karon sa Police Station 6, kabahin na sa pag pamusil patay sa gikaingong lider sa mga Sukarap sa Alunan, Barangay Bula nga si Anwar Kusain, legal age, ug residenti sa Barangay Fatima ning syudad.
Sumala pa ni Police Chief Inspector Bryan Oniel Salvacion ang hepe sa Police Station 6 nga ayha gipusil patay ang nasangpit nga biktima adunay nahitabo nga riot sa maong lugar kung asa lambigit niini ang grupo sa nasangpit nga biktima.
Dugang pa ni PCI Salvacion nga gawas sa riot daghan na usab silang nadawat nga report kabahin na sa involvement sa nasangpit sa mga pag pangransack ug holdap sa area PS6.
Sa kasamtangan matud pa aduna na silay person of interest kabahin sa posibleng suspect nga mipusil sa nasangpit nga biktima ug nakig alayon na ang intel operatives sa police station 6 ngadto sa lain nga estasyon kung asa aduna usay grupo sa sukarap nga nakalaban ang biktima.
Dugang pa ni PCI Salvacion nga ginatutukan nila ang maong kaso aron usab nga gilayon kining masulbad ug mahatagan ug hustisya ang biktima.(Dave Silagan)
