Pagpasulod sang baboy kag pork products halin sa mga lugar nga may kaso sang ASF temporaryo nga ginaban sa South Cotabato base sa ginpaggwa nga revised EO.

Temporaryo nga ginaban ang pagpasulod sang live hog kag pork products dire sa probinsya sang South Cotabato halin sa mga lugar nga may positibo nga kaso sang African Swine Fever base sa ginpaggwa nga revised executive order nga pirmado ni Governor Reynaldo Tamayo Jr.
Ibawal man ang pagbaligya sang karne sa mga talipapa nga wala sang meat inspection certificate kag pagpatuman sang iban pa nga preventive measures kontra ASF.
Samtang sa nasambit man nga revised EO suno kay Provincial Veterinarian Dr. Flora Bigot ang pagpabakod sang quarantine checkpoint sa mga boundary areas sang South Cotabato.amo nga halin sa 26 ka mga quarantine checkpoint nahimo na lang sa 11 agud nga matutukan ang boundary areas sang Tupi, Lake Sebu, Polomolok, Norala, Sto. Nino, Tantangan kag Koronadal City.
Apang paklaro ni Dr. Bigot kon may kumpleto nga mga dokumento ang livestock nga itransport kapareho sang veterinary health certificate,veterinary quarantine permit, dis-infection certificate ang makalusot sa nasambit nga mga quarantine checkpoint.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>