*Wala gitugot sa Cagayan de Oro City Police Office kon COCPO ngadto sa ilang kapolisan ang pagpatay sa suspek sa ilegal nga kalihokan atol sa ilang operasyon.*
*Kini ang giklaro ni Police Chief Insp. Mardy Hortillosa, ang spokesperson sa COCPO.*
*Gibutyag sa maong opisyal, nga kung makaya pa nilang buhion ang usa ka suspek ila kining buhaton apan wala silay mahimo kung mosukol kini sa mga operatiba, kinsa ang ilang kinabuhi usab ang gipanalipdan. *
*Sama na lamang sa duha ka tigpayuhot sa illegal nga druga ug carnapper, kinsa napusilan patay sa Xavier Heights sa kapolisan human niini gilabay ngadto sa mga operatiba ang ilang dalang granada atol sa operasyon.*
*Dugang pa ni Chief Insp. Hortillosa nga lisod usab nga pasagdan sa kapolisan ang duha ka suspek ilabina nga nabutang na sa peligro ang ilang kinabuhi. *
*By: RadyoMaN Ellah Baculio*
