Padayong gihingusgan sa Regional Development Council ug Regional Peace and Order Council ang implementasyon sa Executive Order No. 70 dinhi sa Region 10.
Nakalatid sa Executive Order No. 70 nga kinahanglang magmugna sa National Task Force aron matuldohan ang kagubot dili lang dinhi sa rehiyon apan lakip na sa bisan asang lugar sa nasud.
Tumong niini nga mapahibalo kung unsaon pag-istablisar sa kalinaw pinaagi sa peacebuilding ug maayong pang-gobyerno nga magsugod sa matag komunidad.
Kini ipatuman sa mga bukirang bahin sama sa Mt. Balatucan Range, Mt. Mangabon Odiongan Complex, Saldab ug Kalabugao Plains, Pantaron ug Umayam Complex, Salug Valley, Gamot-Dumasilag Complex, Mt. Kitanglad Range, Mt. Kalatungan Range, West Bukidnon Plateau, Iligan-CDO Tributaries, Mt. Malindang, Mt Ampiro, Gadungan Mountain Range, Mt. Peurai Complex, Maigo-Tangcal-Magsaysay Tributaries ug Salvador-Nunungan Tributaries.
Mao kini ang mga teritoryo sakop sa Misamis Oriental, Bukidnon, Lanao del Norte, ug Misamis Occidental.
