Gitinguha sa Commission on Population and Development o POPCOM nga maubsan sa 2.1 gikan sa 2.7 ang pagpanganak sa mga kababayen-an pinaagi sa national program for population and family planning nga bag-ohay lang gi-aprubahan ni President Rodrigo Duterte.
Kini ang gibutyag ni Undersecretary Juan Antonio Perez III, ang executive director sa POPCOM atol sa POPDEV Summit 2019 nga gipahigayon dinhi sa dakbayan.
Gibutyag sa opisyal nga kasagaran sa mga Pinay molapas sa tulo ang anak bisan kung duha lang ang ilang gusto.
Tungod niini, angay lang matud pang giyahan ang mga inahan unsaon pag-limitar sa pagpanganak ug makatabang niini ang family planning.
Sa gihimong pakigsusi, 11 porsyento sa mga babaye ang mibutyag nga dili na sila gusto’g daghang anak.
