Pagpositibo sa COVID-19 sa 59 anyos nga babaye, gideklarang local transmission

18

Gideklarar sa City Health Office nga local transmission sa Corona Virus Disease o COVID-19 ang hinongdan kon ngano nga nag-positibo sa Covid-19 ang usa ka 59 anyos nga babayeng taga Zone 9, Sityo Macanhan, Barangay Carmen ning syudad sa Cagayan de Oro.

 

Matud ni City Health Officer Dr. Lorraine Nery nga dako ang posibilidad nga natakdan sa iyang silingan ang maong pasyente.


 

Gibutyag ni Nery nga sigon sa ilang pakisusi sa City Health Office nga ang ika-14 ka covid positive patient ning syudad nakig close contact sa iyang silingan nga unang nagpositibo sa maong virus.

 

Apan matud ni Nery nga ang local covid transmission sa Sityo Macanhan, dili bag-o sa Cagayan de Oro kay ang unang local transmission sa Corona virus ning syudad kadtong pipila ka mga sakop sa pamilya sa Sityo Pinikitan, Barangay Camaman-an nga na-close contact sa namatay nga patient 6783 nga unang nagpositibo sa Covid-19.

 

-o0o-

Facebook Comments