Usa sa gitutukan karon sa Cagayan de Oro City Police Office kon Cocpo ang prevention and control crimes.
Matud ni City Director Pol. Col. Henry Dampal nga iyang nakita nga kinahanglan ma-prepara ang kapolisan, pinaagi sa maayong relasyon niini sa komunidad.
Nakita usab ni Col. Dampal nga walay polis nga nakabutang atubangan sa mga police stations, hinungdan nga iyang gimandoan nga butangan kini og personnel.
Tumong niini nga ma-welcome, ma-entertain, ma-facilitate ug ma-accommodate ang moduol sa ilang buhatan.
Samtang gitutukan usab karon ni Col. Dampal ang patrol system.
Niini, gitagaan og tahas ang kapolisan nga mabisita panahon sa ilang tour of duty ang mga establishmento sa ilang area aron makuha ang pangalan ug number tungod kay kini ang mahimo nilang partner sa komunidad.
Matud ni Col. Dampal nga kinahanglan mahimo kining higala sa kapolisan, pinaagi sa simple nga pagpakighimamat niini sa matag adlaw nga tour of duty.
Tumong niini nga makuha ang pagsalig sa katawhan, ug makapaabot kini sa ilang mga concerns ngadto sa kapolisan.
