Gikondena ni Cagayan de Oro City Mayor Oscar Moreno ang nahitabong pagpusil patay kang kanhi Kadingilan, Bukidnon, Mayor Jukens Talaid niadtong Sabado sa buntag.
Sa dihang nasayran ang insedente, daling gitawagan ni Mayor Moreno si Cagayan de Oro City Police Office Director Nelson Aganon ug giaghat nga sulbaron ang kaso sa labing daling panahon, ilhon ug dakpon ang mipatay ug nagpaluyo sa hitabo.
Matud sa mayor nga walay lugar sa usa ka malinawong komunidad ilabina ning Christmas season ang samang binuhatan.
Nanawagan usab si Mayor Moreno sa kung kinsa man ang dunay impormasyon kalabot sa insedente nga unta makig-alayon sa kapulisan ug uban pang law enforcement authorities aron madali ang pagsulbad sa kaso.
Facebook Comments
