[image: Shooting Incident.jpg]
Personal nga kasuko matod pa ang anggulo nga gitan-aw karon sa San Isidro Police Station kabahin sa pagpusil patay sa biktimang si Romeo Arias 46 anyos nga residente sa Botanic Compound Barangay City Heights ning siyudad.
Kini matod pa kay Police Chief Inspector Joel Martinez ang hepe sa nasangpit nga presinto sa kapolisan nga base sa pamahayag sa iyang common law wife na kanhing napreso ang iyang kapuyo sa South Cotabato Provincial Jail gumikan sa kasong pagpangawat.
Dugang impormasyon sa kapolisan nga tuig 2007 usab dihang nakagawas kini gikan sa maong pasilidad tungod usab gitagaan og parole dayon nibalhin dinhi sa Gensan og dinhi na nagpuyo.
Aminado si Martinez nga wala sa ilahang listahan sa mga surfacing drug personalities ang biktima ingon wala sad kini sa ilahang drug watchlist.
Una nang gibutyag sa kaipon sa biktima nga si Edita na wala kini kasayuran kung adunay nakalaban si Romeo ingon man ang mga bahad sa kinabuhi ayha pa kini gipusil gawas lang sa nahimo niining kanhing kaso.
Blangko pa ang kapolisan sa posibleng ilhanan sa suspek nga nipusil sa biktima.
