General Santos City—Posibling gipanimaslan sa mga nakabangga niini sa kompaniyang ginatrabahuan ang usa sa mga motibo nga gitutukan karon sa Kapulisan sa Polomolok sa pagpusil patay sa biktimang giilang si Sammy Escolano, 25 anyos, og mulopyo sa Purok Pag-asa Barangay Silway 8 Polomolok South Cotabato og kasamtangang manager sa Magnolia Dressing Plant sa Polomolok, South Cotabato.
Kahibaluan nga gipusil patay sa riding in tandem criminals ang biktima samtang anaa kini sulod sa ilahang panimalay kanaidtong milabayng adlawng Sabado sa gabie. Kung Asa nadamay pa ang duha niini ka mga katabang sa panimalay.
Dugang pa sa Polomolok PNP nga posiblign gisundan na sa mga suspek ang biktima gikan sa iyahang ginatrabahuan apan sa dihang nakasulod na ang biktima kalit lamang mibutwa ang mga suspek sa pultahan sa gate sa ilahang panimalay sa dihang giablihan sa biktima kalit na lamang kining gipusil sa mga suspek gamit ang kalibre 45 pistola og armalite rifles.
Hinuon ang paggumangkon niini nga giilang si Loraine Demerin, 20-anyos ang anaa na karon sa luwas nga kahimtang.
Sa pagsuta sa kapulisan daghan matud pa og mga kaso ang kompaniya kontra sa ilahang mga trabahante kung asa ang biktima ang gaatubang sa matag hearing rason nga usa kini sa mga posibilidad nga gitutukan sa kapulisan karong mga panahuna.(Emir Bariquit)
