Padayon karong gisuta sa kapolisan sa El Salvador City Police Station, kung kinsa ug unsa ang motibo sa pagpusil patay sa motoristang si Alex Mauro niadtong Sabado sa gabii sa Brgy. Taytay, El Salvador City, Misamis Oriental.
Matud ni Police Supt. Jerry Tambis, ang hepe sa El Salvador City Police Station nga nagpuyo ang biktima sa maong dapit ug angkas niadtong higayona ang ig-agaw niini dihang nahitabo ang pagpamusil.
Dugang pa sa maong opisyal, nga ngitngit nga bahin sa dalan ang giagian sa biktima kauban an gig-agaw niini, dihang nag-atang na kanila ang wala mailang mga suspek kinsa dayong pusil kang Mauro.
Tungod niini, naigo sa dagway ang biktima sa wala pa masayring klase sa armas nga maoy hinungdan sa iyang hinanaling kamatayon.
By; Radyoman Aiza Enloran adn Ellah Baculio
