Padayon karon nga giimbestigahan sa kapolisan ang pagpamusil patay ni Patrolman Roy Aguas.
Kini ang gibutyag ni Police Captain Francisco Sabud Jr, Ang Spokesperson sa PNP region ten.
Matud ni Captain Sabud, nga wala nila gipalayo ang posibilidad nga binuhatan sa walhong grupo ang pagpatay kang Aguas, tunghod kay naatol ang insidente sa anibersaryo sa New Peoples Army kon N-P-A.
Hinoon giklaro ni Captain Sabud nga kini pa ang ilang ikompirma, tungod kay magdepende kini sa dagan sa imbestigasyon.
Samtang adunay plano karon ang kapolisan nga maghimo og special task group kabahin sa kamatayon ni Patrolman Roy Aguas.
Kini aron maoy motutuk sa imbestigasyon, sa kamatayon sa maong polis.
Matud ni Police Captain Francisco Sabud Jr sa PNP region ten, nga nadestino kaniadto sa Misamis Occidental si Aguas, na transfer sa Bukidnon ug gibutang sa Headquarters sa Camp Alagar.
Dugang pa niini, nga ang kasong administratibo ni Aguas nakuha pa niini sa Misamis Occidental ug kini pa ang ilang susihon.
Nanawagan si Police Captain Francisco Sabud Jr, ang Spokesperson sa PNP region ten sa mga police personnel nga kanunay nga magbinantayon.
Kini aron dili na masubli pa, ang nahitabong pagpusil patay kang Patrolman Roy Aguas.
Matud ni Captain Sabud, nga tuig 2003 nakasulod sa serbisyo si Aguas, ug kasamtangan nga gibutang sa Cagayan de Oro City Police Office kon Cocpo.
Mahinumduman nga gipusil si Aguas sa riding in tandem nga mga suspek, hinungdan nga naghangyo karon ang kapolisan sa mga nakakita sa insidente nga mohatag og impormasyon, aron nga dali masulbad ang kaso.
Mahinumduman nga naangkon ni Patrolman Aguas ang lima ka samad pinusilan sa lawas, ug duha sa ulo nga maoy hinungdan sa iyang kamatayon.
