General Santos City–Nagpadayon pa ang gihimong imbestigasyon sa kapulisan particular na sa Bula PNP kalabutan sa nahitabong robbery niadtong adlaw nga Sabado kung asa gisulod ug gikawatan sa duha ka wala mailhing suspek ang usa ka kooperatiba nga mao ang Pera Multi Purpose Cooperative nga anaa nahimutang sa may J. Catolico Avenue,Brgy.Lagao ning dakbayan.
Kahibaloan nga ulahi nang nagpatala ang usa ka empleyado sa nasampit nga establisimento nga si Rodney John Arevado, 29 anyos, nga nanimuyo sa San Francisco, Agusan Del Sur nga sumala pa niini pugsanong gisulod sa mga suspek ang maong establisemento alas 11:23 ang takna sa gabie.
Basi sa imbestigasyon sa kapulisan nga gisulod sa mga suspek ang maong establisimento pinaagi sa pagguba sa padlock niini sa roll up door ingon man apil usab pagguba ang vault nga anaa sa sulod hinungdan nga malampuson nga natangag sa duha ka kawatan ang kwarta nga nagkantidad ug 37,262 pesos ingon man ang 24 inches nga television.
Nasayran usab nga basi sa dugang pag-imbestiga sa kapulisan sa lugar nasuta nga nakit-an ang mga suspek sa cctv camera nga anaa sa establisimento ug mao kini karun ang ilang ginatutukan aron sa posibleng mailhan ug masikop ang ang suspetsado . (Reynald Timario)
