Gihulat karon ni Cagayan de Oro City Police Office kon COCPO Chief Senior Supt. Nelson Aganon ang kompletong report kon kumpirmado ba o dili nga suicide bombing ang nahitabo sa Lamitan City Basilan Province nga mipatay sa onse ka mga tawo.
Kini ang gibutyag ni COCPO Spokesperson Supt. Mardy Hortillosa.
Apan matud ni Hortillosa nga human sa bombing incident sa Lamitan City naghimo dayon sa pagtoon ang COCPO kon unsaon pagsagang sa kapulisan ang mga terorista nga mo-ataki sa checkpoint nga iya sa government forces.
Matud ni Hortillosa nga dili lang nila mabutyag sa PNP kon unsa nga strategy nga ilang gihimo aron dili kini ma-kopya sa grupo nga kontra sa gobyerno.
Sa Camp Alagar.
Gibutyag ni Camp Alagar Spokesman Supt. Surki Sereñas nga ang Lamitan Bombing Incident usa ka talagsaon nga kaso nga klasi sa pagpamomba.
Matud ni Sereñas nga ang maong pagpamomba nagtudlo sa mga otoridad sa paghimo ug pagdevelop sa gitawag nga “doctrinal in security”.
Gibutyag ni Sereñas nga dili pa nila masulti sa Camp Alagar ug dili pa nila ma-conclude kon suicide bombing ba o dili hangtud nga wala pay resulta sa gihimong investigation sa maong insedente.
Hinoon, gipasabot ni Sereñas nga tungod sa Bombing sa Lamitan ilang gipalig-on sa Camp Alagar ang ilang security measures ug ilang gipahinumduman ang ilang tanang police personnel ug ang publiko nga kanunay mag-igmat batok sa mga terorista.
