Davao City – Gikabalak-an sa dagkong ahensya ang pagpadayon sa pagsaka sa ihap sa mga bata nga nakasinati og malnutrisyon sulod sa Rehiyon Onse, subay sa datos nga gipagula sa Department of Social Welfare and Development (DSWD) XI, adlaw’ng Lunes, Nobyembre 17, 2025.
Sa pagkighinabi sa DXDC Team kang Nutritionist-Dietician II sa DSWD XI, Crislyn G. Tabor, adunay tulo ka managlahing rason nganong aduna gihapon mga bata nga ubos og nutrisyon, sama sa estado sa panimalay, environmental factor, ug kahimtang sa panglawas.
Sumala niya, ang pagpahigayon og supplementary feeding sulod sa 120 ka adlaw dili igo aron makita ang paspas nga progreso sa lawas sa bata, tungod kay usa lang kini ka parte sa nutrisyon nga angay makuha sa bata gawas sa iyang panimalay.
Panawagan karon sa ahensya nga siguraduhon nga makakaon ang bata sa saktong oras, adunay igong pagtagad sa kahimtang sa panglawas, ug i-monitor ang timbang niini aron malikayan ang malnutrisyon.
RadyoMaN Gretchel Egut
Facebook Comments
