General Santos City—- Aduna gihapo’y bili ang pagsaulog sa adlaw sa kagawasan sa nasud matag Hunyo 12. Kini ang gibutyag ni Gensan City Mayor Ronnel Rivera.
Sumala niya nga usa sa mga hinungdan sa pagsaulog niini matag tuig mao ang mapahibalo sa bag-ong henerasyon ang sakripisyong gihimo sa mga nauang bayani aron maangkon ang kagawasan.
Dugang pa ni Mayor Rivera nga dili libre ang pag-angkon sa Pilipinas sa kagawasan nga natagamtaman sa karon gumikan ubay-ubay nga mga kinahubi ang nahimong sakripisyo ug wala kini gihatag lang kanato.
Kahibaluan nga usa ka simpleng seremonya ang gipahigayon sa dakbayan kaganihang buntag dungan Sa pagsaulog sa ika-120 katuig nga anibersayo sa kagawasan sa nasud nga gitambungan sa managlahing sektor nga gilangkuban sa mga empleyado sa gobyerno, kapulisan, militar, BJMP, coast guard ug mga opisyal sa dakbayan.
