General Santos City— Hapsay ug malinawon ang kasaulugan sa kalag-kalag sa dakbayan sa Gensan. Kini ang gibutyag ni Police Senior Superintendent Romeo Ruel Berango, acting city director sa Gensan City Police Office.
Sumala niya nga walay unsa mang naitalang kakulian kalabutan sa pagsaulog sa mga adlaw sa minatay gawas lang sa nahitabong pagpamusil sa purok kagawad sa brgy. Apopong nga si Usman Galinggi.
Pamahayag niya nga sa karon, wala may nadakpan nga mga misuway sa ilahang gipatuman nga regulasyon hilabi na sa mga gipangbawal nga dad-on sulod sa mga menteryo.
Dugang pa nya nga magpabilin hangtud ugmang adlawa ang kapulisan sa mga menteryo apan uban kanila ang nakatakda ng i-pull out ug ipang butang sa mga beach resort nga sagad ginaadtuhan matag Sabado ug Dominggo human ang kalag-kalag.
